406
REGISTRES DU BUREAU
[i564]
DXCV. — [Rupture du batardeau des esgoux près la porte de Montmartre.]
[Occupation de baste.au.]
17 avril i564. (H 1785, fol. 253 r°.)
Du lundy, xvii'"" jour d'Avril mil vclxiiii, après Pasques.
Ced. jour, Richard de Vaulx, boueur, pour avoir rompu le batardeau des esgoux de lad. Ville près la porte dc Montmartre, envoyé prisonnier pour res­pondre aux conclusions du Procureur du Roy et de lad. Ville, deppuis a esté mis hors desd, prisons, et à luy enjoinct reparer lad. rompture promptement el oster les immondices par luy mises esd. esgouz, sur peine de prison, et deffences de y en plus mectre, sur peine d'amende arbitraire.
Enl re Cellot, procureur de Pierre Cheron, mar­chant de vins, en personne, demandeur, d'une part, et Moisant, procureur de me Pierre Pellet, deffendeur, partyes oyes, et veuz les jugemens preceddans de
venir en personne, ordonnons, actendu ce dont est question, que led..deffendeur sera prins au corps et admené ceans prisonnier pour respondre à la de­mande, requeste et conclusions dud. demandeur qui a protesté de ses séjours, dommaiges et interest/..
Entre Cellot, procureur de Symon de la Baulne, voicturier forain, demandeur, et Moisant, procureur de Jehan Bertault, aussy present, parties oies, con­demnons led. deffendeur à vuyder le basteau dud. demandeur, dans mercredi prochain, et à paier l'oc-cuppation d'icelluy, deppuis le xiij* jour du present mois jusques aud. jour, à raison de ij solz parisis par chacun jour, suivant l'ordonnance, et'condemné es despens taxez à nu solz parisis, et à faulte de faire lad. vuydange dans led. temps, sera faict droict aud. demandeur ainsy que de raison.
DXCVI. — [Vente de porcz au marché requise suivant les ordonnances.]
[Restitution de jieubles et hardes à Pierre Pellerin, Quartenier de la Ville.]
[Payement de sommes pour vente de vins.]
19 avril 1564. (H 1785, fol. 254 r°.)
Du xixm0 Avril vc lxiiii.
Entre F. Pihard, procureur de Claude Habardeau, marchant forain, demourant à S'Nicaise, d'une part, et André, procureur de André Delaporte, fermier des impositions de dix huict deniers pour livre du beslial à pied fourché vendu en ceste ville de Paris «^appartenances,"d'aultre part, après que led. Pihart, oud. nom, a requis que led. fermier eust à dire ce qu'il vouldroit pour empescher que les trente sept porcz-contenuz en l'adjournement faict aud. fermier à la.requeste dud. Habardeau, actendu qu'il n'en peult faire, son proffict ne iceulx vendre aud. marché, ne luy feussent delivrez à pur et plain, nonobstant l'arrest faict à sa requeste sur lesd, porcz, et que par led. André, oud, nom, a esté dict que, suivant les ordonnances, tout beslial à pied fourché,.mis et meu à venir en cested. Ville, marché et appartenances pour y estre vendu, il y doibt estre vendu et non ail­leurs, sans aucune chose en retenir, et là où elle seroit partye dud. marché, les marchans sont tenuz icelle
ramener au prochain marché pour en icelluy estre vendue et,non ailleurs, partyes oies, veue l'ordon­nance generalle de lad. Ville, article xviii", ensemble les ordonnances et edictz faictz sur le faict des aydes touchant led. beslial, ordonnons que les porcz dont est question, actendu qu'ilz ont esté mis aud. marché, seront venduz en icelluy marché et non ailleurs, selon lesd, ordonnances et edictz.
Au jour d'huy, au Bureau de la ville de Paris, a esté ordonné que certains meubles et hardes appar-tenansà me Pierre Pellerin, Quartenier de lad. Ville, apportées en l'Hostel de lad. Ville durant les troubles et baillées en garde à m" Jehan Quetin, consierge de l'Hostel de lad. Ville, seront rendues aud. Pellerin, et partant en sera led. Quetin et tous deschargez, en prenant toutesfois par led. Quetin quictance dud. Pellerin de la reception desd, hardes, au bas du me­moire de la description d'icelles hardes presenté par led. Quetin.